किछु दूपंँतिया

                   ••                          .
काज करी तँ एहन जेना कि
कलमक नीब करैए   
मोसिक ऋण ल' क' दुआति संँ
अक्षर सब बिलहैए।
                 •
किछु ने किछु होइत रहय,किछु ने
किछु करैत रही।
अपनो लय जरूरे आ लोको हित
चलैत रही।
                 •                      
अनेरे डगडगा गेल आंँखि
कुटकुटाय लागल
धूआँ किएक भऽ जाइए ककरो 
नामकचर्चा।
                  •  
स्नेह मे सब टा सुन्दरे सुन्दर नहि
होइ छैक
देखि-देखिक' अपने जे होइत रहै
छी मुग्ध।                 
                   •
चिकड़ि क’ हारि गेलौं बजा-बजा
कोय ने आयल 
'कोना छी गुंजन जी' पूछ' सब
अस्पताल आयल।    
                   •
एना देखिक' एकसर हमरा बूझब
नै एकसर
सौंसे गामचलैए संगे हमर
छोटछिन म'न मे।                
                 •
सुखायल पात जकाँ उड़ि गेल
रहितहुंँ बिहाड़ि मे
घेरि क दु:ख सब पाथर बना,हमरा
बचा लेलक।
                     •  
सब दिन अपना मनोरथे पर चढ़ि
कऽ हम चललौं
घोड़ा गाड़ी मोटर धरि कहियो
सोहाएल नहिं ।
                     •     
कलम मे दोस्त कें कहैत रहै हमरा
द' छौंड़ा
'कते फरैत रहै पहिले ई बम्बइआ
गाछ'
                     ! 🍂 ‌!
             #उचितवक्ताडेस्क।