कवि कतहु याचना करय

|             कवि कतहु याचना करय… 

                            📕

धरती संँ मंँगलिऐ तँ एक आँजुर धूरा आ दुनू पयर मे यात्रा भरि देलक

आकाश सँ मंगला पर ओ हमरा अनन्त स्वप्नक कल्पना-क्षितिज मे साटि देलक 

सरकार कें याचना कयलिऐ तँ एक टा  ओझराएल अनिश्चित महकमाक कोनो अनुमोदित फाइल सुन्झा देलक 

       आब बाँचल सर्वोच्च !

ओत’ माँग’ गेलहुँ तँ प्रतापी राजा जकाँ देश निकालाक कुपित असंतुष्ट आदेश भेटलय…

                        °

हमरा कान्ह पर रुग्ण बूढ़ पिता छथि

         हिनका कत’ रखबनि ?

                       कोन ठाम ?

                            🪾 

                         गंगेश गुंजन 

                       #उचितवक्ताडे.

                              .