शोभायात्राक हाथी

'अयाची टोल'

मैथिली मे आई सं ई हमर न'व ब्लॉग अपने लोकनिक सम्मुख प्रस्तुत !
*
शोभायात्राक हाथी ( कविता)

*

बहुत बनलौं हम

शोभायात्राक हाथी !

भरि जन्म बनलौं,बनहि पड़ल -

कखनो जीविका,कखनो समाजिकता मे से

शोभा क हाथी।

बनहि पड़ल तं आब,

ओइ पशुक पीठ बनब जकरा पर लादि क’ कहियो अनलनि अतीत सं
ज्ञान-वैभवक अलभ्य पाण्डुलिपि सब पं.राहुल सांकृत्यायन !

जेना ल’ गेलाह भारतक विद्या भंडारक अंश भरि क’

ज्ञान पियासल चीनी पर्यटक ह्वेनसांग अपन धोकड़ा।

कंप्यूटर मे पर्यंत अंटि नहिं सकल बोध ओ विवेकक महा संसार,जाहि मे
बौआइत कोनो ज्ञान विज्ञानीक कान्ह-कांख मे लटकल हिड़ला झुलैत

यात्रा करैत रहब भरि ब्रह्माण्ड !

धोकड़े बनब आब हम।
बनहि पड़ल यदि किछु आब !

*

‌ -गंगेश गुंजन । १४.०१.२०१८ ई.