ग़ज़ल सन

ग़ज़ल सन ।

एहि समय मे लोक के,सबंधिको के कहब की ।      दोस्त सब तं गेल एकेक एकसरे हम कहब की ?                                                

दुःख लोकक सहि न सकलहुँ आइधरि जे आब से     अनाचार अन्याय सब से वैह बैसल सहब की ?                                                

बड़ छलय गौरव म’नक ई माटि नहिं ईंटाक थिक।  आब जा क’ एना बालुक भीत भ’ क’ ढ’हब की?                                                                    घटित भइए जाय अनघट लोक-मोनक के कहय      दुःख कातर प्राण मिलि हुँकार क’ दय अजब की !                                                              जिन्दगी भरि सहैत रहलौं अपन लोकक दासता।    अंतिमो धरि वैह पुरने रासि मे हम ब'हब की ?                                                    

हाथ एखनहुँ रिक्त ओहिना गुंजनक से सोच छनि।    आब अंतिम डेग पर एहि बाट मे,पिछड़ऽब की  ?                                  *****    

                           गंगेश गुंजन 

                       # उचितवक्ता डेस्क।