ग़ज़लसन : एहनो जीवन जीवी से...

•                     ••                      •
     एहनो जीवन जीवी से भीतर संँ
     चाह रहत
     नै बदलब तँ नै बदलत संसार
     तबाह रहत।
                    •
     ट्रेन बदलि गेने कि बदलि 
     जाइतछि स्टेशन
     पटरी संग सब आन व्यवस्था
     वैह अधलाह रहत।
                     •
     आनक सुख सँ धाह लगत तँ
     बूझि लीअ' जे
     अपनहुंँ हर्षक दुनिया सब टा
     खकसियाह रहत।
                     •
     आर कहत के ककरा लग छैक
     समय एतेक
     एकटा अछि दासे कबीर ई सब
     दिन ठाढ़ रहत।
                     •
     सूती कोन करौटे अछि से तंँ बड़
     दिव निज हाथ
     मगर कोनो निर्णय एकसरुआ
     सदा दोखाह रहत।
                      •
     सभ समाज केर तन मन अछि
     रक्ताल्पताक रोगी
     बिनु उपचार जड़ि सँ केने
     स'ब रोगाह रहत।
                      •
     भाषा हो,संस्कृति,इतिहासक
     गौरव जे हो
     राज्य भेटि गेनहिं ऐ मे स'ब
     सोहांँत रहत।
                       •
     बहुत रास जगमग नियनलाइटो
     मे देखब तँ
     एखनो जीवित छथि गुंजन जी
     से अफ़वाह रहत।
                        ••                                                  गंगेश गुंजन 
              #उचितवक्ताडेस्क।