फेरो सब ओहिना चलि गेल : ग़ज़लसन

🐾
     फेरो किछु अहिना ‌चलि गेल
     दिन सब टा जहिना ढलि गेल।
                        •
     फेरो ने क्यो कहि क' आयल
     गछि क' फेरो ने कोइ गेल।
                       •
     झरकल फेर मज्जर टिकुला
     रौद तेहन,बसात बहि गेल।
                      •
     फेरो से लाचारी भेल
     कनिञे धक्का सँ ढहि गेल।
                     •
     फेरो धार बहल कोन दिस
     सूखल बालु एतय रहि गेल।
                     •
     सोर करय फेरो हमरे
     क्लेश हमर जे सब सहि गेल।
                     •
     फेर वैह प्रभुताक लड़ाई
     देश-देश देखू भिड़ि गेल।
                     •
     द' देलक फेर ओ धोखा
     निर्घिन राजनीति छलि गेल।
                     •
     फेरो सुख पड़ायल परदेस
     गंगेशक दु:ख टा रहि गेल।
                     ••
               गंगेश गुंजन                                      #उचितवक्ताडेस्क।