इहो क' लेब हम हो हमहीं क' लेब: गजलसन

                   🌼
                    •
इहो क' लेब हम ओहो हमहीं क' लेब
हमर स्वभावे कोनो बातक जिद ध' लेब।
                   •
स्नेह सँ कहने छल ओ एक बेर निहुँरि गेलौं
कोनो बेमोन कहब पर तँ पर्वत भ' लेब।
                   •
एक नहिं कय-बेर सोचब उपकारक पूर्व
आओत क्यो किछु देब' आ हम ल' लेब ।
                    •
सैंति क' जीह कें रखलौं भरि जीवन तेँ जे
देह कें,आफद मे सभ चोट सहन क' लेब।
                     •
हँ मुदा सुन्दर संसारक जे स्वप्न हमर
दिअय बदला तकर स्वर्गो क्यो,हम ल' लेब।
                     ••
               गंगेश गुंजन
           १५ दिसंबर,२०२२.

          #उचितवक्ताडेस्क।