मालिक यौ ! ग़ज़लसन

|🏣|           मालिक यौ !
                        •
अहाँक सब किछु एम्हर-ओम्हर
अछि यौ मालिक
ध्यानो जानि न कत' कोम्हर अछि
यौ मालिक।
                       •
एहनो तरहक विकट काल मे कत
छियै अपने
अनको किछु चिन्ता अछि की अगर
अछि यौ मालिक।
                      •
महानगर सबकें इन्द्रासन बना
लेलहुंँ मानल
बाँकी ठाँ तँ एखनो नर्क नगर अछि
यौ मालिक।
                     •
जाड़े छटपट कोना काटलक राति
गरिब गुरबा
अछि बूझल जे कते लोक बेघर
अछि यौ मालिक।
                     •
झलकैए तँ सब किछु वैश्विक
अहाँक व्यवस्था मे
सुन्न होइत गाम दुखितो लोक मगर
अछि यौ मालिक।
                      •
                      गंगेश गुंजन                                      #उचितवक्ताडेस्क।

                  (पुनः देल गेल पोस्ट)